السلام عليكم ورحمة الله وبركاتهحلى كيك
حلى كيك الكاكاو ... بالصور
نبدأ بالخطوات مع المقادير ::::
الطبقه الاولى :نسوي كيكه كاكاو [ كيكه الروب ] ومقاديرها :::
علبه روب , وبنفس العلبه سكر , ثلاث بيضات , رشه فانيلا ,نضعه بالخلاط حتى يكثف الخليط
ثم نضيف بنفس علبه الروب زيت , وبنفس علبه الروب مكيال ونص طحين , ملعقتين بيكنغ بودر وملعقتين كاكاو مر .
ونخبزها بالفرن حتى تستوي ....
بعد ماتطلع من الفرن ناخذ 2 كاكاو مارس ونقطعه قطع صغيره جدا وننثرها فوق الكيكه بشكل عشوائي بهالشكل ....
وبعدين نحط بالخلاط نستله حجم كبير + 8 حبات جبن كيري + ملعقتين طحين
ونصبهم فوق الكيك بحيث يتغطى بالخلطه البيضاء تماما
ويصير بهالشكل ....
وندخلها للفرن ونشغل الفرن بس من فوق لحد ماتجمد الطبقه البيضاء وتصك ويتحمر وجهها
ونتركها لين تبرد شوي بعدين نرش عالوجه بالمنخال كاكاو نسكويك
وتصير بهالشكل.....
ثم نزينها بصلصه الكاكاو ونصنع صلصه ..
وهاذي مقاديرها:
قيمر كي دي دي صغير + نص علبه نستله + 4 ملاعق كاكاو بود مر + ملعقه سكر
نسخنهم عالنار شوي لين يذوب السكر وتتجانس الخلطه
ندخلها الثلاجه لين تبرد ...
ثم نزين وجه الحلو ونسوي خطوط مثل خطوط الزيبرا ثم بالشوكه نسوي خطوط متقاطعه
وتصير بهالشكل ..
وندخلها الثلاجه الي ان تبرد تماما
بعدين نقطعها بالقطاعه ونزينها بكاكاو ابيض مبشور
وتصير بهالشكل ....
الأحد مايو 29, 2016 9:09 pm من طرف 
